باص البنات - سعد علوش

ياسيـدات وآنـسـات وعانـسـات
مدينتـي ملـي تـبـي تحتلـهـا ..؟
تسابقـوا سبـق المهـار الصافنـات
اللـي تطايـر فالهبـوب أقذلـهـا ..
يغريكم الشاعـر وتنسـون الصفـات
وأكثر شواعير الخليـج ..سفلهـا ..
من لاعشقنـي ذات يفقدنـي سمـات
عن كثـرة احبابـي كفانـي قلهـا ..
تسابـقـوا والأولات ؟ الخـاسـرات
ماعـاد أقبلهـا شلـون أقبـل لهـا..
ماعـاد فـي قلبـي مكـان لذكريـات
وماعـاد فعيونـي دمـوع أهلهـا ..
أنا بقايا رجـل مـع كـوم احزيـات
تتلـه حبـال الحـزن و يتلـهـا ..
استهلكتنـي ام العـيـون الـذابـلات
اللي ماتعـرف دقهـا مـن جلهـا ..
أخرى ،، ولكن غير كـل الأخريـات
تعطـش نباتـات الـدروب لطلهـا ..
اليا أقبلت كنها تخطـا مـن حصـات
وان ادبرت كن السحـاب أتشلهـا ..
الفاتـنـات السـاحـرات الغانـيـات
عندي ماتسوى خصلة من خصلهـا ..
فالليل صبح ولا اصبحت عقب المبات
توخـر الشمـس وتجـي محلهـا ..
ياشيب عينـي يالوصـوف الخافيـات
بقولهـا لـو قومهـا تفطـن لهـا ..
أحبـهـا حــب البـنـادم للحـيـاة
وتسيء لي وأبرهـا وأحسـن لهـا..
أنـا غريـب ومجرياتـي مجـريـات
أبيها ، ، وادعي ربي يسهـل لهـا ..
أحـب نفسـي كـل ماشفـت الطغـاة
تستـخـدم العـالـم وتستغلـهـا ..
يالصبر .. والأنفس شحاح ومكرمـات
تدلهـا والا أنـا الـلـي ادلـهـا ..
خذنـي مـن يدينـي بـلا مقدمـات
أنا صديق أقسى الـدروب وخلهـا ..
أنـا جهـه بلحالهـا غيـر الجهـات
تكسرني الدنيا وأنـا اعـدل لهـا ..
أنا اكثـر إنسـان ايخلـق مبـررات
ياكـم علاقـه تنطـوي ،،وأفلهـا ..
حليت فالإنسـان وااااجـد معضـلات
اللئم حاجـه مـا عرفـت أحلهـا ..
بااصادق الحيـوان وامشـي فالنبـات
ولا بشـر تنـذل لـلـي يذلـهـا ..
الناس في عصر الأسـف والإنفـلات
ماعاد بـه زلـه ماهيـب تزلهـا ..
ماعاد تفـرق فالحقـوق و فالهبـات
تعمل معاهـا تحسبـك تعمـل لهـا ..
الشارع المليـان غـش و معطيـات
أن مـا تسامـى بالقلـوب يعلهـا ..
ملغي الرمادي من ظـروف الكائنـات
ما عنده الا اسوأ لها .. وأفضل لها..
يالثائـر اللـي منجياتـك مهلـكـات
مابه سيوف اصلا" عشـان تسلهـا..
مادام صار البحـر قسمـه واعطيـات
أغـرف بيـدك مايعـادل بلـهـا ..
مابه ثبات الا على انقـاض الشتـات
والاحلام لذتهـا قبـل توصـل لهـا..
واجمل من الاحساس من بعد الصـلاة
احساسك اللي قـال قبلـه صلهـا ..
صداقتك مـع شعـورك .. عـز ذات
وخصومتك مع الحثـال .. تجلهـا ..
يامنقض جروح الخفـوق المرمسـات
رااااااااااااحت حياتك ، ،قلها في قلهـا
جعلك فدا اللي عاش ربح ،، ويوم مات
خسارتـه علـى القبيلـه كلـهـا ..
والا أنت لو تركب مع بـاص البنـات
مــادورن عبيـهـا و شيلـهـا ..
عن الكلام الشيـن يازيـن السكـات
نـاس ماتوصـل مستواهـا خلهـا ..
تعـلـم ان الله خلقـنـا طـبـقـات
والنـاس تعلـو لاتناقـص غلـهـا..
فاليا جلست فمجلسـك مـع الخـوات
خـل الرجـال اللـي يظلـل ظلهـا..
خلو سوالفكم عـن آخـر الأغنيـات
و هذا بغى هـاذي و هـذي ملهـا..
المجـد لـو إنـه يجـي بالأمنـيـات
سادوا على اعزاز الرجـال أذلهـا ..

أطعن بقلبي لين ماتقول آمين

أطعن بقلبي لين ماتقول آمين
حقي لأني من وهبكـ الميانهـ

حقي لأني كنت ضمن المحبين
وأني جريح ذاق مر بزمانهـ

مادامهـا طعونكـ تعدت ملايين
بقول زودها عذاب وإهانهـ

أجرح وجرح خافقي لين ماتحين
حزت مماتي بين ظلم ومهانهـ

سلبت من جوفي أصول الحسينين
سلبت من جوفي أصول التكانهـ

عبدالله علوش - تشوف رقمي - يوتيوب

يا غايبة وشلون بعدي قويتيه

يا غايبة وشلون بعدي قويتيه
وشلون قلبك طاوعك تهجريني

الله وأكبر وين عهدٍ خذيتيه
وين الوعود وين ذاك اليميني

كم مرتٍ دمعي بكفك مسحتيه
واليوم وينك غايبه ماتجيني

مشتاقلك والشوق يصرخ ظلمتيه
حسي بشوقي يالغلا وأرحميني

عودي لقلبٍ من حنانك حرمتيه
لاتقطعين الوصل بينك وبيني

قلبي يحبك هايمٍ لو جرحتيه
أنتي أمل عمري وفرحة سنيني

عبدالله الظفيري - نكسر الخاطر

علامك جيت ياقلبي وراجع خاطرَك مكسور؟؟         
          أبد لاينكسر خاطرك دامه صاحبي جاير
أبي تنسى مبادئنا وتترك طبعنا المغرور         
          وأبي هالحين ترجع له.. وقلّه يطلب ويامر
وإذا جت عينك بعينه أبي تشهد شهادة زور         
          بأني مذنب ومخطي.. وقلبه ناسي وغافر
وقلّه لايخليني على حزني أبات شهور         
          لأن الموت أشوالي وأنا من طبعي ماكابر
ولايفكّر يقول: (انسى وغيري بالبشر مذكور)         
          لأني ماخبر غيره / قسم بالله مو خابر
أحس اللي خلق زينه خلق باقي البشر ديكور         
          وأحس الورد لاشمه يميل وينثني شاكر
وربي هالبشر بعده هياكل والبيوت قبور         
          ولابه شي بالدنيا يجاري غيابه الكافر
حبيبي يابعد كل الحبايب والزمان يدور         
          علامك ماتخاف الله تعال وشوفني..ناظر
ترى قدرك بعيني صعب أحصِرْه بغلا وشعور         
          أبي باصبعك تشّر لي وأجيلك وقتها طاير
ألا ياصاحبي القاسي بدونك هالحياة تغووور         
          ألا ياسبّة جروحي..ألا ياحظي العاثر
أحبك.. يامنى عمري وغيرك يمسك الطابور         
          أحبك يامولّعني وأذوب بصوتك الخاثر
أنا من كثر مااحبك أحس إني معك مسحور         
          فديتك خلني مسحور إذا تبقى لي الساحر
تعال وخذني بكيفك..قصيد..ولو تبي جمهور         
          فداك اللي قصدته أمس واللي بَقصِده باكر
لك الله وانت خابرني شجاع ولا علي قصور         
          ولكن لو وصل أمري بيدّك... آآه ياساتر!!
دخيلك انتبه! لا..لا.. تمادى مع رجل مقهور         
          ترى قهر الرجال أكبر من اللي تحسب وفاكر
أنا حبي معك والله عفيف وطاهر ومستور         
          حشا صعبه تلاقي قلب شروى قلبي الطاهر
إذا ناوي تجربني ترى وقتك معي مهدور         
          أموت بنار طغيانك.. ولاينقال لي صابر!
أمانه روح ياقلبي وأبي تضبط عليه الدور         
          أمانه طير له تكفى وأبي هالحين ياشاطر
أبيك تحب لي راسه وتنسى طبعنا المغرور         
          ترانا اثنيننا والله بدونه نكسر الخاطر

عبدالله الظفيري - ضاقت بي الرياض

لامن رمى ليل العنا همّه عليّ لْحالي         
          وغيري قضى هالليل نايم في حضن محبوبه
وآنا اسهره متوسّدٍ حزني وضيقة بالي         
          من وحدة ٍ طالت وفرحة خافق ٍ مسلوبه
والذكريات اللي مضت لي زوّدت غربالي         
          والنفس طابت.. والصبر عوّد عليّ عقوبه
"ياخالد حمود" الحكايه كلّها ياغالي         
          ودي أفضفض لك خوافي نفسي المغصوبه
مانيب شاكي من سواليف الهوى واطلالي         
          ولانيب شاكي لك جروحي من جفا رعبوبه
مشتاق لك والله وانا كل ما ذكرتك خالي         
          أتذكّر أيام (الخُبر) والجامعه كل نوبه
اشتقت للشرقيه وكل مابها يحلالي         
          واشتقت لأيام الدراسه.. والسكن.. وقروبه
ماكنت أحسّك ساكن بجنبي ودوم قبالي؟         
          كنت انت ساكن وسط قلبي وعارف ٍ مطلوبه
ياهو كئيب الكون وايامي فلا تهنا لي         
          ياخي بعد فرقاك .. عندي ماهي بمحسوبه
خلاااص ضاقت بي الرياض بكبرها من تالي         
          ماعاد لي فيها مكان وحاجة ٍ مرغوبه!!
هي عامره بوجود أهلها في أمان الوالي         
          والعاصمه من كل شعب المملكه مخطوبه
بس البلا لا ضاق قلبي عارفه مايبالي         
          هو ياخذ الحاجه ويتركني غريق ذنوبه
خالد!! تخيّل.. من كثر همي وسوء أحوالي         
          مابه مكان ولا صديق اسلى وأسيّر صوبه
من شقتي.. لين الدوام.. لشقتي .. منوالي         
          لا الوضع هذا يصلح لخيّك ولا لأسلوبه!!
مافادني صدري الوسيع اللي ملته آمالي         
          وحشه .. وخلّت دنيتي من عقبها مقلوبه
كثر الشكاوي ماتفيد المحبطين أمثالي         
          أدري.. ولاتشره على من يهذي بغيبوبه
يارب أبي تيسيرك لأمري.. وغيرك مالي         
          وان كان – نقلي- (للخُبر) حاجه مهي مكتوبه؟؟
طالبك أنا كنز القناعه/ واقتنع في بالي:         
          ويصير لي حضن الرياض أدفى من المحبوبه!!

عبدالله الظفيري - الجرح

اللي بقى لي مع الأيام .. وفّيته         
          والضيق لو ينهمر تشربْه ودياني
ماهي كبيره علي والحزن غنيته         
          وْلاهي غريبه إذا وقتي تحداني
الخوف -واللي تطوف الخلق في بيته-         
          لاعشت زهرة شبابك وانت وحداني!!
كم جرح خذْته من الأحباب.. ضمّيته         
          وجروح قلبي زكاة لْحُبّّ خِلاّني
مطعون؟ عاااادي ،، جفا الأقراب؟ داويته         
          تعبان؟ مبطي ،، ردى هالحظ؟ خاواني
صدمه؟ بسيطه ،، هَوان الحال؟ مرّيته         
          مقرود؟ خِلقه ،، وإذا حرمان؟ عدّاني
ما فاح همّ ٍ لك الله ما تقهويته         
          ما مرّ حزن ٍ بغيري ما تبلاّني!
ياما وياما من الخذلان .. عديته         
          إلا بصاحبْ .. بعد عِشره تناساني!!
أزريت لأنسى غيابه لين ناديته         
          والموت لامن تجاهلني وجافاني
وينه يجيني .. وكل عْتاب كنّيته         
          ياليت يدري بعد فرقاه وش جاني!!
من كنت طفل ٍ وانا أرجاه في بيته         
          شيّبت.. واثره على هالحال خلاني!
حتى جناح العَتَب لرضاه ذليته         
          ماطِرْت بعده فرح من ذلّ جنحاني
يا قلب صبرك .. ترى كل شيّ سويته         
          ما كان أفضل من اللي كان بإمكاني
لو بيّ قوه على الهجران؟ خليته         
          لو بيّ ذره من النكران؟ يفداااني
الجرح أرحم .. إذا يرجع من أغليته         
          مجروح؟ فِدوه .. ولكن صعب وحداني!

عبدالله الظفيري - غاده

يا اللي لمحتوا دمعتي بجفوني         
          مستغربين اللي حصل ياساده!
تكفون لفراق الغضي خلوني         
          أشكي همومي محتضن لي وساده
ماعاد أبيكم تنشدون شلوني         
          جرحي وعارف علته وضماده
إن كان بيديكم سنع شوفوني         
          وإلا اتركوني للحزن واجهاده
من يوم غابت عن سماي وكوني         
          مولاة قلبي.. غايته.. ومراده
أم العيون السود / كل جنوني         
          ست البنات البيض وأحلى غاده
كني عن أبواب الفرح صدوني         
          وإلا الصبر.. كثر الرجا مافاده
الجرح جرحي والطعون طعوني         
          للحب ناس.. وللهوى زهّاده
لابو قصيد ٍ يرتضي لي هوني         
          يشكي من الحظ الردي وعناده
قولوا لها شاللي حصل دلوني         
          (أبطت) .. وخابر مالها بالعاده
بعض البشر غابوا ولاهموني         
          والبعض يمكن خيرتي ف ابعاده
بس المصيبه لو تصيب ظنوني         
          بغياب نور وطلّة الميّاده
قولوا لها والشوق زاد شجوني         
          وينك تراني ما أطيق زياده
يا ام الغلا كله ونور عيوني         
          ياروح عبدالله ونبض فؤاده
إلهام شعري/ غنوتي/ مضموني         
          يا اعف من جا للهوى وارتاده
شوفي غيابك يستثير سكوني         
          والليل عيني ماهتنت برقاده
ضاقت نواحي خافقي واركوني         
          من روحتك فجأه بدون افاده
دفتر قصيديْ اشتاقلك من دوني         
          صفحاته لرقة يدك معتاده
وجدي عليك اليوم يامظنوني         
          وجد العراقي لا بكى بغداده
أقسم برب البيت واتعرفوني         
          وأبيات شعري تنتظر هدّاده
إن كان عادت والله لْتلقوني         
          أقصد وألبّسهاْ القصيد قلاده
والحين أبي علم ٍ يكفّ ظنوني         
          منهو يجيب أخبارها ياساده؟؟
أما كذا .. وإلا ابعدوا خلوني         
          أرجع لحضن وسادتي كالعاده!!

؛، .. ســـولفـــــوا .. ،؛ ابن فطيس

سولفوا تكفون لا عاد تسكتون ..
.. قبل لا أهوجس وياتيني بلاي


السكات يزود طعوني طعون ..
.. وتنكسر لا جا على راسي عصاي


سولفوا لو ما بغيتوا اتسولفون ..
.. قبل لا اقعد في الحزن رايح .. وجاي


واضحكوا لو بالعماله تضحكون ..
.. وجاملوني لو يضايقكم حكاي


لي وليفٍ راح جعله ما يهون ..
.. هو دواي وداي .. أو داي ودواي


راح لكن طيف زوله في العيون ..
.. مرةٍ قدامي ومرة وراي


وإن سكتوا جا وهو طيفه يمون ..
.. رحت أهوجس له وأبين له ولاي


مكسب عيوني من الفرقا مزووون ..
.. تمطر لطاريه .. والبرق ؟ أصدقاي


كل ما طروه لو هم يمزحون ..
.. احرموني من غداي ومن عشاي


أدري إنه ما تناسى الود كون ..
.. تسمع إذنه في قفاي اللسن عداي


وكانهم قالوا نسيته يكذبون ..
.. وإلا أنا فيه أمتلك نظرة وراي


كان حبه لي على خبري مصون ..
.. والله ان كني بقدري .. وبغلاي


ذي بقايا الحب وأطلال الجنون ..
.. والله أعلم في ضميره وش بقاي


غير طيعوني ولا عاد تسكتون ..
.. ولا والله إن أسمعكم بكاااي

..~ تعال ~.. فهد المساعد

من عز نومي صحيت وشفت في عيني
دمع تهادى على جفني وأنا غافي
سترت دمعي ب كمي قبل يغريني
وأخذت هذا الجسد من باقي لحافي
وسريت تايه ورا خطوات رجليني
لا الوجه وجهي ولا أوصافي هي أوصافي
أمشي وأقول ل طريقي لا توديني
ل عيون ناس تبي تدري عن الخافي
أمانتك.. خلها ما بينك وبيني
خابرك يالدرب خوة عمر وسنافي
ما ودي الناس تدري وش يبكيني
كرامة النفس ورث أبوي و أسلافي
أمشي وأحس الخناجر في شراييني
والبرد يمشي وراي وينهش اطرافي
وحيد والليل بردونه يغطيني
تقول كن البلد روح بها السافي
إلين ما أوحيت لي صوت يناديني
صوت أعرفه مثل ما أجهل وش خلافي
قمت أتلفت و انادي لا تخليني
ما غيره.. الصوت هذا صوته الدافي
ولمحت زوله من أقصى الدرب لافيني
مدري وش اقول لكن حي ها اللافي
تعال.. شف غيبتك كيف أثرت فيني
تعال.. شفني وأنا أغرق عقب مجدافي
تعال.. خذني ورحبي من عناويني
تعبت أعدي على جمرك وأنا حافي
تعال واقطف بصوتك زهرة سنيني
كل المواعيد عقبك شمعها طافي
تعال وازرع خصل شعرك بكفيني
بضمها لين أحس بليلك الظافي
تعال وشفيك خايف؟ أنت ناسيني؟
قطعت صوتي عليك وطال ميقافي
حتى بديت أشعر أن الحب معميني
وان أنت حلم عثى فيني وأنا غافي
لكن أمانة ترى اللي في كافيني
إن رحت منك كذا ما رحت متعافي
بصدق الحلم وأحذر لا تصحيني
في خاطري كلمتين إن قلتها كافي
أمانة الله عليك إن غبت عن عيني
لا يكون قلبك مثل قلب الزمن جافي
مع كل دمعة تذكر رعشة يديني
ومع كل ضحكة تذكر قلبي الوافي

..~ سكة الذكرى ~.. فهد المساعد

مرّني طيفك .. وطيفك صاحبي مدري عدوّي
جايبٍ صوتك .. وصوتك سكة الذكرى الحزينة


قال أنا جوّي تكدّر .. قلت : ماهو كثر جوّي
قال فرقانا غبينة .. قلت : وأكثر من غبينة

قال : أنا ب أموت من غيبتك قل لي ويش أسوّي؟
قلت : أنا أبغى الموت في غيبتك .. قل لي بس وينه؟!

قبل ترحل .. كنت أقول بيسرح أيام و يضوّي
مثل ماعودني اليا اشتقت له جابه حنينه

بس ه المرة ثمان شهور وضلوعي تدوّي
كل يوم أشتاق لك .. يلعن أبو الشوق وسنينه

كل ماعشمت قلبي .. قال ياآآ ضلوعي تقوّي
ورحت أنا وياه نرقب رجعة اللي فاقدينه

نوب أقول اليا رجع بكون في قمة هدوّي
ونوب أقول الا أبزعل وأتلى مابيني وبينه

كل يوم أجلس على جال البحر وأقول توّي ..
.. لاسألني : مافقدت الحلم في لمسة يدينه ؟!

مادريت أن البحر ماقال لأمواجه تروّي !
و مادريت أن الغرق هو حجّة غياب السفينة

مادريت .. أو مابغيت أدري .. ولاأدري وش بسوّي
لو رجعت .. وشفت طيفك في الممرات الحزينة

وين ابنسى وانت طيفك صاحبي مدري عدوي
مارضى يترك ل غيره شبر واحد في المدينة!

..~ الأسرار ~.. فهد المساعد

..~ الأسرار ~..


يا رفيف الماء .. وفجر العيد .. وأحزان المواني
يا أكثر أهل الأرض طيبة قلب .. وأسرار دفينه

المكان اللي هنا .. مليان ضحكات ، وأغاني
والكلام اللي بغيت أقول .. يحتاج ل سكينه !

شوفي الركن البعيد هناك .. كنه صدر حاني
هذا هو اللي يليق ب شاعر و بنت حزينه!

أنسي الشارع ، وعتمات الزوايا ، والمباني
هاتي يدينك نلف الغيم و نشكل مدينه !!

عندي الليلة كلام و صمت .. وأخاف الثواني
تظلمه .. أو تظلم اللي فيه كم ضاعت سنينه

بس لازم تسمعين اللي أبي ولا تراني
لو ب أعيده لك .. نسيت .. ورحت أقول اللي تبينه

شي واحد قبل ما أبدأ .. ما أبي أي شي ثاني
يخطر ف بالك .. وأنا أكشف لك شعور تجهلينه !

إن أنا .. وبكل ما تحمله " أحبك " من معاني
كنت ، وراح أبقى أحبك .. لين .. مدري وش هو لينه !!

بس والله ماقدرت أنسى .. ولا همي نساني
لا ذكرت إنسان .. فيه أسرار مابينك وبينه

كل ما تطري علي فكرة هواك الأولاني
أشعر إني أنطعن مليون مره من يدينه!

أشعر إن عيونك .. الله ما خلقها إلا عشاني
كيف كانت تبتسم له؟!.. قولي إنك تخدعينه !!

صورة إنه كان يمسح دمعك .. تزلزل كياني
وكيف كان يلم شعرك .. ويتبعثر في يمينه

حتى اسمك يوم رحت أدلله .. حظي رماني..
بنفس الاسم اللي يقول .. بذمتك ماهي غبينه !؟

وكني اللي .. كل ما أناديك بالاسم الفلاني
أطلب النسيان .. يترك منه شي تذكرينه !!

لا تظنيني أناني .. لا .. أنا مانيب أناني
لو سلمت من الغرق . ب أموت في ظهر السفينه!

يا إني ما أكمل وأعاني .. أو أكمل ثم أعاني..
كل ما اسمع طاري اسمه .. أو تجي عيني في عينه!

أينا كان الضحيه ؟.. وأينا اللي كان جاني ؟
مدري !.. ولكن قراري لازم إنك تقبلينه:

مثل ما أكره فكرة إنه واحدٍ ياخذ مكاني
ما أقدر أجلس في مكان إنسان.. كنتي تعشقينه!


~

ريقك عسل علمني وشلون بتصوم

وش قومكـ .. ووش فيكـ .. وإلا عــلامكـ

قد لكـ معي كم يوم و أعلومك أعلوم

وأنا أدري أنــي يــآ مرآمي مرآمـــكـ

لـو تقعـد الدنيـــآ و لآ تقـدر تقــــوم

عطيتني قلب !! و بخلت بسلآمكـ

وش فآيدة حبك و أنــآ منــك محروم

لآ عــاد تزعل و أحييني ببتسآمكـ

ضحككـ يزيل أوجاع و جروح و هموم

و كــلآم عينـــك مآ يهمش كلآمــك

كلآم عينك كوم و حكاك لي كـــــوم

لآغبت عن عيني رح انشد غرآمــكـ

تلقاك في قلبي مقلط و محشـوم

بعدين يآ أغلى الناس وفــر ملآمـكـ

ترى الغــلآ يجفل على كثرة اللـــوم

دونك خفوقي ممتلي من سهامكـ

و لآ شكيتك جرحه و قلــة النــــوم

القلب مثل الطير .. وفر حمامــكـ

إن افلس اقفى للسماء يقلب الحوم

لكن قبل لآ انسى بنبهك دآمــــكـ

مسلم و باقي كم شهر و يدخل الصوم

لآ يذبح الموضوع قل اهتمامـــكـ

طعني وشف لك شيخ يفتي لك اليوم

مآ ظنتي يــآ زين يقبل صيآمــكـ

ريقك عسل .. علمني و شلون بتصوم

ابن فطيس